Ume gorren ahozko hizkuntza

Gorrentzat ahozko hizkuntzaren ikaskuntza oso lan nekagarria izaten da, eta konstantzia bat eskatzen du. Umeak lehenengo urtetan, ez du satisfakziorik jasoko ahozko hizkuntza ikastean, oso pertsona gutxik ulertuko diotelako eta bere aurrerapena oso motela izango delako. Urte hauetan ahozko hizkuntza gauzak eskatzeko erabiliko du soilik, bere sentimenduak, zalantzak.... sailtasunekin adierazteko gai izango da. Horregatik, umearen ikaskuntza errazteko ahozko hizkuntza jokuen bitartez ikastea planteatu da, horrela umeak haien esfortsuengatik sari bat lortzen duela ikusiko du eta motibatuagoa egongo da.
Ume gorrentzat komunikazio eta hizkuntzaren garapenerako dauden programak oinarri hauek eduki beharko dituzte:

1. Umea aurpegira begiratu behar digu hitz egiten dugunean, hori da lortu behar dugun gauzarik garrantzitsuena. Hau umea behartu gabe lortu behar dugu; horretarako, gure begirada, mimika, zeinuak..... ondo erabili behar ditugu, umea gure aurpegia topa dezan komunikazio momentuan. Bere aurpegia gure eskuaz mugitzen badugu, azkenean umea ez gaitu begiratuko eta begiradaren blokeoa sortuko da. Hau ez du esannahi ezin diogula laztandu hitz egingo dugula adierazteko, baina behartzea tzarra izango da umearentzat.
2. Gure aurpegia umearen aurpegiaren aurrean egon beharko da, komunikazioa ondo eman dadin. Kokapena oso garrantzitsua izango da.
3. Ez da arin hitz egin behar. Normalean hitz egiten dugun abiadura gehiegizkoa da, beraz moteldu beharko dugu pixka bat, baina ez gehiegi.
4. Ahoskera argia izan behar da, baina gehiagotu barik, artikulazioa deformatu daitekelako.
Esaldiak sinpleak eta osoak izan beharko dira, ez ditugu moztu behar. Gramatikalki ondo eraikiak dauden esaldiak eskeiniko dizkiogu, hizkuntza ondo eraikitzen joan dezan.
5. Gor batekin hitz egiten dugunean keinuketa, mimika.... erabiltzea oso garrantzitsua da ulermena erraztuko diogulako. Ez badugu keinurik egiten, gorrak interesa galduko du eta beste gauza batera joango da.

Orokorrean, adierazkorrak izatea besterik ez du eskatzen, eta horretarako: ezpainak, eskuak, begiak, gorputz osoa erabili beharko da.