Ikastetxe antolakuntza ume gorrekin

Ume gor baten programaketa egiterakoan, zer motatako ikastetxean eskolatuko duten kontutan izan behar dugun lehenengo gauza izango da: ohizko integrazio eskola batean edo gorrentzako eskola batean. Ikasle gorrak oso desberdinak dira haien artean ere, horregatik bakoitzaren ezaugarrietara egokitzen den kurrikuluma beharko dute. Ikastetxearen antolamenduaren onarpena, helburu eta metodo pedagogikoak, eskeintzen diren laguntzak, irakasgaien antolaketa, eskola ordutegia, etab, ume bakoitzaren maila eta aukeretara egokitu beharko dira irakaskuntza posiblea izan dadin ume hauengan.

Irakaskuntzaren helburua berdina da kasu guztietan: bakoitzaren garapen pertsonala, emozionala, intelektuala eta linguistikoa bultzatzea, besteekiko interakzio soziala, gizartea eta pertsonak ezagutzea eta gizarte harremanetara, harreman laboraletara eta harreman pertsonaletara era egokienean eta errazenean egokitzeko beharrezko trebetasunak irakasten saiatuko dira.

Aipatutako gauza guztiengatik, kurrikulumak eta lan programak ez dira homogeneoak izan behar, hau da, ez dira ume guztientzat berdinak izan behar, ezta ume gor guztientzat ere ez. Beraz, ume bakoitzaren ezaugarrietara egokitzen diren programak eta kurrikulumak eskeini beharko dira.Honi buruzko informazio gehiago lortzeko umee gorren integrazioan sartu.