Gorrentzako inplante koklearrak

Honelako inplante bat, entzupen arazoak dituztenei ezartzen zaie, honela informazio gehiago jasotzeko aukera eman nahi zaie. inplante baten bidez kanpoko informazio gehiago jaso ahal izango da, betiko audifonoekin jasotzen dena baino gehiago. Inplante baten bidez zelan entzungo den ikusi nahi baldin baduzue, http://www.bsos.umd.edu/hesp/zeng/simulations.html orrialdera sartu. Baina hau entzuterakoan gogoratu behar duzue adibide bat dela, eta entzuten dena ez dela pertsona batek entzuten duenaren berdin-berdina.

Inplante hauek barrutik eta kanpotik joango dira jarrita. Koklean elektrodo batzuk inplantatu egiten dira lehendabizi. Elektrodo hauek inpultso elektrikoak botako ditu, eta inpultso hauek entzunezko nerbiora ailegatuko dira. Honekin batera errezeptore/transmizore bat jarriko zaie. inplantearen parte hau azalaren azpian jarriko da, belarriaren atzealdean eta elektrodoen artean informazioa eramateko erabiliko da.

Nor izan daiteke inplaterako hautagai? Aholkuak ematen dira, baina ez daude errekerimendu legalak. Hau da, mediku bakoitzak ikusi eta erabakiko du nori ezarri inplante hori eta nori ez.

Orokorrean, honako gomendioak eman daitezke inplante hauek ezarteko hautagaiei buruz:

• 
  
  Inplantea jasoko duenak 12 hilabete izan beharko ditu gutxienez.


• 
  
  Inplantea jasoko duenak entzupena oso galdurik eduki beharko du.


• 
  
  Inplantea jasoko duenak audifonoak frogatu ditu eta ez ditu emaitza onak eduki.


• 
  
  Inplantea jasoko duenak inplantea hobeto entzuten lagunduko diolaren itxarobide izan beharko du.


• 
  
  Orokorrean, txarto entzuten duela diagnostikatzen denetik, inplantea jartzen denerako denbora gutxi bada, inplantea hobeto onartuko da. horregatik hobe da txikitan egitea.

Inplanteen etekinak eta mugak. Inplantea jasotzen duten guztiek ez dituzte habilitate berdinak lortzen, ez entzuterako orudan, ezta hitz egiterakoan. Baina inplantea jarri baino lehen ezin dugu jakin nori joango zaion hobeto eta nori ez, beraz arrizkatu beharko gara. Batzutan oso ondo jasotzen dute, eta telefonoz orduak hitz egiteko kapazak izaten dira. Baina beste batzutan, inguruko informazio gutxi bat besterik ez dute jasotzen. Inplantea ondo funtzionatzen duela jakiteko, jarraipen bat egingo zaio pertsona horri eta honetaz aparte, irakasle edo espezialista batekin ere egongo da pertsona hori.

Arazoak. Gorren komunitatean inplanteen aurkako mugimendu asko egon dira. Hauen iritziz inplantea konponketa bat egiteko erabiltzen da, hau da, entzuten dugunok gortasuna arazo edo gaixotasun bat bezala ikusten dugula esango dute gorrek, eta horregatik horren kontra agertuko dira. Haientzako gorra izatea ez da arazo bat izango, haiek komunikatu ahal direlako berdin-berdin. Haien ustez, guk ikasi beharko genuke haien hizkuntza, zeinu-hizkuntza.